SİYASƏT


Litvada “Qara bağın faciəsi” kitabının imza mərasimi olub VİDEO

Vilnüs, 15 iyun, AZƏRTAC

Litvanın Şaulyay şəhərində yazıçı-publisist Gintaru Visoskunun “Qara bağın faciəsi” adlı kitabının imza mərasimi olub. Kitab Litva və rus dillərində çap edilib.

AZƏRTAC xəbər verir ki, Şaulyay “Azərbaycan” Cəmiyyətinin təşkilatçılığı ilə keçirilmiş tədbirdə yüzdən çox kitab imzalanaraq sahiblərinə təqdim olunub.

Tədbirdə çıxış edən müəllif Gintaru Visosku Dağlıq Qarabağda ermənilər tərəfindən törədilmiş vəhşiliklərin dünya ictimaiyyətinə çatdırılmasının zəruriliyini vurğulayıb.

Şaulyaydakı diasporumuzun nümayəndələrinin də iştirak etdiyi tədbirdə “Azərbaycan” Cəmiyyətinin rəhbəri Bəhram Zeynalov çıxış edərək Ermənistanın Azərbaycana qarşı yürütdüyü işğalçılıq siyasəti barədə iştirakçılara geniş məlumat verib.

Tədbir çərçivəsində Şaulyayda fəaliyyət göstərən yəhudi folklor qrupunun çıxışı izlənilib, qonaqlara Azərbaycan çayından və şirniyyatlarından ibarət süfrə təqdim olunub.

Aygün Əliyeva

AZƏRTAC-ın xüsusi müxbiri

Vilnüs

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.