REGİONLAR


Naxçıvan Muxtar Respublikası Dövlət Miqrasiya Xidmətinin rəsmi internet səhifəsi yenilənib

Naxçıvan, 20 aprel, AZƏRTAC

Naxçıvan Muxtar Respublikası Dövlət Miqrasiya Xidmətinin rəsmi saytı (www.miqrasiya.nakhchivan.az) tamamilə yenilənib, həm funksionallıq, həm də dizayn baxımından müasir tələblərə uyğunlaşdırılıb.

AZƏRTAC-ın Naxçıvan bürosu xəbər verir ki, xidmətin rəsmi internet səhifəsi üç dildə - Azərbaycan, rus, ingilis dillərində fəaliyyət göstərir. Bu isə təqdim edilən məlumatların beynəlxalq səviyyədə yayılmasına şərait yaradır.

Azərbaycan Respublikası vətəndaşları, o cümlədən əcnəbilər və vətəndaşlığı olmayan şəxslər müasir dizaynda yaradılan 5 bölmə və 15 alt bölmədən ibarət saytda muxtar respublikanın rəsmi xəbərlərini, xidmətin tədbirləri və fəaliyyəti ilə bağlı məlumatları əldə edə, eləcə də miqrasiya sahəsi ilə bağlı suallara cavab tapa bilərlər.

Xidmətin rəsmi internet saytının daha çox əcnəbilər tərəfindən istifadəsi nəzərə alınaraq www.migration.nmr.az adı ilə də fəaliyyəti təmin edilib. Dövlət Miqrasiya Xidməti saytın ikinci adını yaratmaqla, həm də yeniliyə imza atıb. Əcnəbilərin daha çox ingilis dilinə üstünlük verməsi və saytın ikinci versiyasının elə həmin dildə fəaliyyət göstərməsi istifadəçilərin işini daha da asanlaşdırır.

Son dəyişikliklərdən sonra sayt üzərindən əvvəlcədən elektron növbə almaqla Naxçıvan Muxtar Respublikası Dövlət Miqrasiya Xidmətinin Qeydiyyat şöbəsinə müraciət etmək mümkündür. İstifadəçilər istənilən yerdən ölkəyə gəliş və gedişlə bağlı məhdudiyyəti yoxlaya bilərlər. Saytın daha bir yeniliyi isə audio bölməsində edilib. Belə ki, Dövlət Miqrasiya Xidmətinin radio vasitəsilə yayımlanan verilişlərinə qulaq asmağa imkan tapa bilməyən şəxslər bu bölmə vasitəsilə istənilən vaxt həmin mövzunu yenidən dinləmə fürsəti əldə edə bilərlər. Saytda yerləşdirilən fotolar muxtar respublikanın gəzməli və görməli yerlərinin təbliğinə öz töhfəsini verəcək.

Sayt həm də xidmətin fəaliyyətində olan yeniliklərin, əcnəbilərlə bağlı keçirilən maarifləndirmə tədbirlərinin daha geniş və çevik işıqlandırılmasına şərait yaradır.

Əcnəbilərin və vətəndaşlığı olmayan şəxslərin olduğu yer üzrə qeydiyyata alınması halları və qanunsuz miqrasiya ilə bağlı maarifləndirmə xarakterli qısametrajlı videoçarx və slayd da hazırlanaraq xidmətin rəsmi internet səhifəsində yerləşdirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.