CƏMİYYƏT


Ordubadda qar örtüyünün hündürlüyü 15 santimetrə çatıb

Bakı, 20 aprel, AZƏRTAC

Aprelin 19-u gündüzdən 20-si səhərədək ölkə ərazisində qeyri-sabit hava şəraiti davam edib, bəzi yerlərdə şimşək çaxıb, yağış yağıb, ayrı-ayrı yerlərində leysan xarakterli intensiv olub, dağlıq və dağətəyi rayonlarda qar yağıb. Yağan leysan xarakterli intensiv yağışla əlaqədar respublikanın əksər çaylarında sululuq artıb və hazırda artım davam edir.

Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-a verilən məlumata görə, Böyük Qafqazın bəzi yerlərində - Şəki, İsmayıllı, Oğuz, Qəbələ, Sarıbaş (Qax), Əlibəy (Zaqatala), Quba, Xınalıq, Altıağac, Xaltan, Qırız, Qusaryasaq, Şamaxıda, o cümlədən Naxçıvan Muxtar Respublikasının bəzi ərazilərində - Ordubad, Paraqa, Nurgüt (Ordubad), Biçənək, Batabat, Kükü (Şahbuz), Ərəfsədə (Culfa) hazırda qarın yağması davam edir. Ölkə ərazisində qeyri-sabit hava şəraitinin aprelin 24-dək davam edəcəyi, fasilələrlə yağış, dağlıq ərazilərdə qar yağacağı gözlənilir.

Düşən yağıntının miqdarı Bakıda və Abşeron yarımadasında: 0-2, Böyük Qafqazda: 3-18, Naxçıvan Muxtar Respublikasında 4-23, Nürgütdə (Ordubad) 30, Qazax-Gəncə zonasında 3-15, Kiçik Qafqazda 10-13, Mərkəzi Aran rayonlarında 2-10, Lənkəran-Astara zonasında 6-49 millimetr təşkil edib.

Qar örtüyünün hündürlüyü Paraqada (Ordubad) 15, Nürgütdə (Ordubad) 10, Qırızda 6, Daşkəsən, Şahdağda 5, Lerik, Xınalıq, Altıağacda 4, Gədəbəy, Xaltanda 3, Yardımlı, Göygöldə 2, Ağdərə, Biçənək, (Naxçıvan), Quba, Qusarda 1 santimetrə bərabər olub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.