İDMAN


Voleybol üzrə qadınlardan ibarət milli komandamızın “Tokio 2020”yə təsnifat turniri üçün heyəti açıqlanıb

Bakı, 12 iyul, AZƏRTAC 

“Tokio 2020” XXXII Yay Olimpiya Oyunlarına lisenziya xarakterli təsnifat turnirinə hazırlaşan voleybol üzrə qadınlardan ibarət milli komandamızın heyəti açıqlanıb.

AZƏRTAC xəbər verir ki, turnirdə ölkəmizi Leyla Parşkova, Yana Əzimova, Anastasiya Qurbanova, Odina Əliyeva, Ayşən Abduləzimova, Olena Həsənova, Yelizaveta Səmədova, Anastasiya Bezsonova, Kristsina Yaqubova, Polina Rəhimova, Şəfaqət Alışanova, Bəyaz Alıyeva, Marharita Əzizova, Mariya Kiriliuk, Kseniya Pavlenko təmsil edəcəklər. Millimiz təlim-məşq toplanışı üçün artıq Bolqarıstana yola düşüb. Komanda daha sonra Rusiyada və Türkiyədə də təlim-məşq toplanışında olacaq. Voleybolçularımız hazırlıq çərçivəsində Bolqarıstan və Rusiya ilə bir neçə yoxlama oyunları da keçirəcəklər.

Bakıdakı hazırlıq prosesində 30-a yaxın idmançı iştirak etsə də, xaricdəki təlim-məşq toplanışına 15 idmançı cəlb olunub.

Voleybolçu qızlarımız Braziliyaya iyulun 24-də Türkiyədən yola düşəcəklər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.