DÜNYA


Kopenhagendə dünyanın ən kiçik restoranı açılacaq

Stokholm, 30 aprel, AZƏRTAC

İki il əvvəl məlum olmuşdu ki, dünyanın ən kiçik oteli Kopenhagendə yerləşir. Şəhərin Vesterbro rayonunda olan bu oteldə qonaqlara 2,3x3 metr ölçüləri olan cəmi bir otaq təklif olunur. İndi isə Danimarka paytaxtında dünyanın ən kiçik restoranı açılacaq.

AZƏRTAC Danimarka KİV-nə istinadla xəbər verir ki, bu həftədən başlayaraq “Restauranten 1:1” adlı restoran cəmi bir nəfərə iaşə xidməti göstərəcək. Cırtdan restoranın yaradılması təşəbbüsü baş aşpaz Uilyam Milsted və Irma supermarketinə məxsusdur. Təşəbbüskarlar bildiriblər ki, bu restoran yeməyin əhəmiyyətini vurğulayan intensiv həssas təcrübəsi ilə seçiləcək. Burada siz təkbaşına yemək yeyəcək və ətrafdakılar diqqətinizi yayındırmayacaq.

Kiçik restoranda bir qonaq, ofisiant və aşpazdan başqa heç kim olmayacaq.

 

Rauf Əliyev

AZƏRTAC-ın xüsusi müxbiri

Stokholm

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.