CƏMİYYƏT


Qrenlandiya buzlaqlarının əriməsi nəticəsində okeanın səviyyəsi 2100-cü ilə qədər 33 santimetr arta bilər

Bakı, 20 iyun, AZƏRTAC

Qrenlandiya buzlaqlarının əriməsi səbəbindən dünya okeanının səviyyəsi 2100-cü ilə qədər 5 santimetrdən 33 santimetrədək arta bilər. Yeri gəlmişkən, buzlaqların üçüncü minilliyin sonuna doğru tamamilə yoxa çıxacağı ehtimal olunur.

AZƏRTAC TASS agentliyinə istinadla xəbər verir ki, bir qrup alimin “Science Advances” elmi jurnalında dərc olunmuş tədqiqatında belə deyilir.

Alimlər bildiriblər: “Biz aşkar etdik ki, Qrenlandiya buzlaqları 2100-cü ilə qədər dəniz səviyyəsini 5 santimetrdən 33 santimetrədək artıra bilər ki, bu da buzlaqların 8 faizdən 45 faizədək azalmasına bərabərdir. Hesab edirik ki, parnik qazları tullantılarının əhəmiyyətli dərəcədə azalması baş verməsə, Qrenlandiya üçüncü minillik ərzində, çox güman, buz örtüyündən tamamilə azad olacaq”.

Alimlərin fikrincə, bu proqnozun qeyri-müəyyənliyi planetin iqliminin inkişaf ssenarisinin qeyri-müəyyənliyi ilə bağlıdır. Parnik qazları tullantılarının səviyyəsindən asılı olaraq buzlaqlar öz kütləsinin 8-100 faizini itirəcək.

Tədqiqatçılar bildiriblər: “Qrenlandiya buzlaqları dünya okeanı səviyyəsinin 7,2 metrinə bərabər sudan ibarətdir. Son onilliklər ərzində temperaturun artması buzlaqların əriməsi prosesini sürətləndirib. Bu buzlaqlar min il sonra indikindən tamamilə fərqli görünəcək”.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.